Un gat nigher

Ian semper ditt che incontreres
Un gat ed nota porta sfortuna
El bianc el nigher o bis
È nota scura o ghe un bel cer ed luna

Un zoven moderen cl’ascolteva al
pensa
Come perdeven al temp chi d’una volta
Conter dal foli o di proverbi antigh
L’era ende chi sven na discoteca
La moto e divertires con i amig

E menter al pensa a stal’paroli vada
Un dett antigh sensa nison valorw
Lontan in mesa a la streda al veda un
gat
E denter denter assenta bater al cor

Csà faghia? Al pensa lù
Egh vag a doss
Starò atent dan’der mia zo destreda
O con al rodi zo denter in tal foss

Al’na profita che la streda e spiana
A schisa so al pedel al va a tutt gas
Al gat spavente a scapa via
E lu al comincia fer la so gimcana

A zig e zag al gat a’scapa
A zig e zag al ghe lù semper adoss
Costa chi lè mia un gat ma le na gata
E a’scata lù col rodi denter al foss

Una sterseda brusca lù al gha de
Al se torne cater in mes la streda
Al perda lu al controll freno e frission
E al va a finir infonda a la scarpeda

Le tutt insangone tutt estordi
La machina un rotam tutà contorta
Din’mesa al bosc al gat asbraia fort
Acsè tl’impararee per netra volta

E lasa ster i can i gat e i riss
Per la so streda van in liberte
Un di sett’nin ved von le tutt eschiss
Un om? Un disuman lè le pasee

La legg le ed quel ca cree al mond
E l’univers
Cmè tè anca lor fan perta dal cree
Abia te tant rispett pral bestii
Gan tant amor per l’om
Paroli en’neghnè mia
I can i gat amigh
ien la so compagnia

le nota scura
sensa un rag ed luna 
e al pensa lù come son ste coion
le propria vera i ghat ed nott
porten sfortuna

se un di t’inconter un
è nota scura o ghe un bel cer ed luna
sol col penser fagh un salutt
in tal to vias at portera fortuna

e al conta lù a i amig come le steda
vagh a velocite ridota sicura controleda
na machina coi fari a ma abaglie
in fonda a la scarpeda son ande.

Cesare Carlini - Cerezzola, 1996 -